الأخبار:  أخبار لبنان  |  أخبار سوريا  |  أخبار فلسطين  |  أخبار الأردن English | Français

أخبار | لبنان

 
الإعلامية ديما صادق تتعرّض مع والدتها لحملات تحريض وتنمّر بسبب آرائها ومواقفها
November 16, 2019
المصدر: بيروت - "سكايز"

تتعرض الإعلامية في قناة "LBCI" ديما صادق لحملات من التحريض والتنمّر طالتها وطالت والدتها عبر مواقع التواصل الإجتماعي وصولاً إلى هاتف والدتها، عبر إرسال رسائل شتم وصور مفبركة مسيئة إليهما بسبب مواقف وآراء ديما الجريئة من كل ما يجري اليوم على ساحة الوطن. 

وكتبت ديما منشوراً على صفحتها على "فيسبوك" قالت فيه: "كل يوم تهديدات كل يوم مسبات كل يوم شماتة ولا شي أثر فيي بس وصلوا لإمي. أسبوعين ما هدي تلفونها ولا هديوا أعصابها. بنتك هيك وهيك وهيك يقولولها. انت هيك وهيك وهيك يقولولها وهي حجة ثمانينية. مبسوطة يا بنتي عم يقولو هيك لامك. يا ديما انا ما بدي اتبهدل بآخر عمري تقللي. قلها يا ماما ليه ما قادرة تشوفي انه هني بلا أخلاق ليه عم تلوميني الي؟ تقللي لا انت عمايلك ما معقولة. انت عم تطلعي مننا. تترجاني وقف وانا ما وقف. ولا التلفونات وقفوا. بعتولها حتى صورة فوتوشوب مسيئة مش لألي، يا ريت لإلي، لإلها. يومها قضت النهار عم تبكي. وانا قضيت الليل عم احلم انه صرلها شي من ورايي ومن ورا كل التلفونات اللي عم بوصلولها".

أضافت: "اليوم فقت على خبر انه امي بالعناية. امي عملت جلطة بالدماغ. متل ما كنت عم احلم كل ليلة. مين عمل فيها هيك؟ انا أو هني؟ ما بعرف. أو يمكن تنايناتنا. يا امي إذا انا عملت هيك ببوس كعب اجريكي سامحيني والله كنت مفكرة اني عم اعمل الصح، والله كنت مفكرة عم اعمل الخير".



كلمات مفاتيح: قناة LBCI, ديما صادق